جايبلكم ابيات قديمه للشاعر فاتن الجميلي وفيها توضيح دقيق لدخول وخروج النجوم والمواسم والجميلي ذكر من ضمن الابيات انه يتمثل على طريقة الخلاوي والخلاوي راشد ويقصد انه مشى على نهج راشد الخلاوي وهو الشاعر المعروف اللي جمع الشعر والفلك والعلم والفراسه وراشد كان يسكن لوحده هو وزوجته وولده ولا كان يعتمد على احد ماودي نطلع عن الموضوع القصيده تقول :
ترى اول نجوم القيظ بيضاء ياكنه
قرطاستن يقرى بها خطيب
واذا فات له خمسن وعشرين ليله
في طلعة الجوزاء علي مصيب
واذا فات له خمس وعشرين ليله
في سرحة المرزم تحن النيب
واذا فات له خمس وعشرين ليله
تبين سهيل والنجوم تغيب
واذا فات له خمسن وخمسين ليله
تملت نقاره وسال كل شعيب
البيت الاول يفسر ان النجوم واضحه ومرتبه زي الخطيب اذا قام يقرى كلام مكتوب بورقه يكون واضح قدامه ومرتب
................
البيت الثاني يفسر انه اذا طلعت الجوزاء وفات منها خمسة وعشرين يوم دخل الحر والقيظ ويوضح بالابيات بقوله علي مصيب يعني حلت علي مصيبه والله اعلم
................
وباقي الابيات تفصل لكم تفصيل دقيق بدخول النجوم وخروجهن مثل سهيل والوسم وكم بينهن وهذا التفصيل موجود بالتقويم لاكن يفرق وانا صراحه ارجح كلام الجميلي والخلاوي رغم التقدم والتقنيه اللتي توصلنا اليها في وقتنا الحالي واللي مو مصدقن يقيس على كلامهم ويشوف . واللي راح يمشي على كلام الفلكيين الحاليين راح يضيع لأنهم مو على كلمه وحده هذا والله اعلم واختم موضوعي ان اكون قد قدمت لكم الفائده واعذروني اذا اخطيت لأني انسان مثلي مثلكم مو فضائي ولا آلي هههههههههه
الأربعاء أكتوبر 07, 2009 6:34 am